我最鍾意既豹紋@夏天都可以整豹紋甲架~

可能好多人都會覺得豹紋係襯冬天

但其實夏天都可以整架, 視乎係用咩色黎畫架JE~

唔知大家又鍾唔鍾意豹紋呢??

我要有番個鼻-@打下鼻影先@

如果大家有睇開電視既話, 應該知道前排"姊妹淘" 有教打鼻影架啦~

佢裡面係推介BOBBI BROWN 既ES 做陰影, 而CDP 既做光影

CDP 嗰盒光影我之前都好有興趣, PACKING 同QUALITY 都好靚, CDP 真係冇得頂, 但嗰盒野
實在太貴啦, 要成$800...

光影JA WO....真係唔捨得買

而BOBBI BROWN 嗰個ES, 我相信都係因為佢隻色岩, 應該有其他可以代替佢

就係因為咁, 我就做下RESEARCH LA

光影就好多人都讚 NARS 同埋benefit

而陰影, 我就揾到屋企有盒mac 既隻色好似, 咁就岩晒啦~

到最尾, 我就買左呢盒MAQUILLAGE



點解呢??

因為NARS 嗰隻係就係幾好, 好自然, BA 幫我試左喺T字位同埋面, 有光澤左, 但可能因為佢茶
左好少, 而且光線關係, 高鼻效果唔係太明顯, 而且佢要 3百幾蚊

而BENEFIT 就有好多光影PRODUCT, 有FOR 溝粉底嗰隻, 又有尊係T字位既, 但T字位嗰隻個

色偏黃...我諗皮膚深色D既人先岩, 而價錢係 $300

MAQUILLAGE 呢盒有晒光, 陰影同"煙之", 而都係$290 , 感覺上平好多

而且佢中間嗰隻色同NARS 嗰個好似, 所以就買左

BEFORE AFTER


不過陰影部份我都係會用埋自己盒MAC ES

當然MAQUILLAGE 陰影嗰個位都OK, 不過佢就閃閃地, 茶多左會好明顯



中間嗰格就用係你最扁/ 最想佢高既地方

眼肚就用上面嗰格, 咁睇落會精神D~

影相唔係好覺, 但真人都有少少分別, 我男朋友都話我個鼻好似高左

所以自從買左呢盒野之後, 我就日日都有用佢

原來化鼻影真係會上癮架~

止汗, 美白, 修護一支搞掂 @DOVE ULTIMATE WHITE@

而家日日出街都流汗, 真係好討厭...

有D 位置係好易出汗GE, 我自已一熱嗰陣就係頭同加拿大係最快出汗..

頭出汗就當然會溶妝啦...但都可以用紙巾抺

而加拿大出汗既話, 仲要唔記得用止汗劑, 唔通當街申隻手去嗰個位度抺咩....咁肉酸

有時出得汗犀利, 仲會有少少味TIM....

所以我一定會用止汗劑, 特別係著背心果陣

 大部份市面上既止汗劑都做到止汗呢樣野

爭在佢有冇其他FUNCTION, 質地, 同埋個PACKING 架GE

DOVE 新出左支有美白, 修護既止汗劑- ULTIMATE WHITE淨白美肌止汗香體系列

全新配方蘊含Omega 6成份, 為肌膚提供所需的脂肪酸, 建立保護屏障, 可以促進細胞再生, 美白、紓緩、修護一take過

而且佢有助去除頑固的黑色素，保持肌膚亮麗皙白

DOVE ULTIMATE WHITE 仲有1/4乳霜成份, 所以有埋滋潤的效果

噴霧裝- 首先要搖勻, 之後就要離開15CM 既距離噴3秒

ROLL 裝- 開蓋之後直接 "LOOK"上去就得

呢個噴霧裝個設計幾好, 灰色嗰個位係防滑位黎

而且噴出黎嗰陣份量唔係好多, 唔會好濕

所以都好快乾

不過就真係唔好太近噴, 一來會集中左一個位, 二來噴果陣, 嗰個位好凍, 哈哈

ROLL 裝就相對下會濕潤D, 乾左之後冇噴霧裝咁爽, 會滑D

試用左 7 日後止汗方面好滿意, 美白效果就唔太明顯, 要用耐D 先知啦

同埋我自己就鍾意用ROLL 裝, 因為佢話一日可以用4-6 次, 感覺上美白效果會好D

同埋佢好輕, 拎出街方便D~

夏日彩色星星+法式美甲~

每次整甲之前都會諗整咩顏色

之後就會諗整咩款, 畫咩花咁

今次底色用三隻, 白, 黃, 粉紅

雖然有兩PAIR 都係同款, 但睇落就五隻手指都唔同~

冇咁悶YA MA~

我自己就最鍾意星星嗰隻~

當然我隻右手又再一次唔見得人, D 星星畫到震晒....

左手呀左手, 你可唔可以聽話D 呀....我真係控制唔到你

自家製ACCESSORIES- 第一次既作品

我不嬲都好鐘意買飾物, 因為一件小小既飾物影響力都幾大~

一件普通既衫加條頸鏈, 個感覺已經好唔同~

而我就最鐘意耳環~

大大隻既耳環就最岩我~

但呢排行街睇岩既ACCESSORIES 都好貴, D 款唔係好特別, 但都要賣幾百蚊, 真係奇怪

而家D 物價真係高左好多~

睇岩都仲好D, 有時見到D OK 既, 但始終都爭少少 " 如果條鏈長D 就好" " 如果係白色就好"

就係因為咁, 我決定自己整~

下面果D 就係我自己第一次整既成果啦~

自己都幾滿意, 下次再整先~

清爽防曬base @SHISEIDO@

呢幾日成日都落雨, 個天仲KEEP 住好鬼暗

但大家唔好忘記, 而家仲係屬於曬到你死既夏天

有足夠既防曬個人出街都安落D~

上星期買左SHISEIDO 既防曬BASE, 佢有防水防汗功能, 而且仲有少少光澤TIM, 上完面都係好
爽~



記得以前用過佢金樽嗰支防曬, 次次戶外活動都係用佢, 真係一D 都冇黑到

而且防水效果好出色, 真係見到D 水流走, 勁~

所以對SHISEIDO 既防曬真係好有信心~

BEFORE AFTER


SPF50 PA+++

唔係出去遊山玩水既話都一定夠晒, 質地好LIGHT, 一D 都唔油~

裡面有好少的閃, 都做到光澤效果~

當然上左粉底就唔會好覺嗰D 光澤啦~

WEEKEND 搞作- 自家甜品@TIRAMISU@ 內含手畫食譜

呢兩日放假, 又係落雨, 仲要一號風球TIM....

係屋企唯有揾D野做下啦~

咁岩阿媽買左料, 而男朋友又話想食, 咁好啦, 我要出手啦~

以前不嬲都係阿媽整, 因為男朋友鍾意食, 所以先學

開頭整幾次都失敗, 唔係魚膠粉水開得差就係嗰舊芝士雪到結左冰用唔到..

不過而家熟左, 近幾次都整得幾好食~

大家都可以試下呀, 因為我食邊食過既人都話好好食 (假設佢地無講大話)

食譜同做法就睇圖啦~




快D 試下啦~

有咩唔明可以隨便問我~

潤而唔LUP 既潤唇膏@ROSEBUD SALVE@

我個嘴不嬲咩天氣都好鬼乾, 仲好多紋

日日都要茶幾次潤唇膏, 唔記得帶既話我都會即刻買支用住先

之前身邊有好多人都用緊 ETTUSAIS 既潤唇膏, 我都用緊, 覺得都OK, 唔算太LUP 而且又有防
曬

不過就黎用完, 又要買盒新架啦

做完一輪RESEARCH 之後就決定買呢盒~

佢又好多隻味, 我覺得最正常都係呢隻

有隻好士多啤梨味, 有隻好似白花油味, 而仲有隻係臭得好緊要既味...







上嘴係透明, 唔會好紅, 而且茶薄D 都夠~

而家我會一個星期做兩次嘴部磨砂, 再查多D潤唇膏, 唇紋真係少左

嘴部磨砂真係對唇紋好有效

以前出街試唇膏, 都會食左D野落條紋到, 查完唇膏乾到死, 好核突

但呢排KEEP 住磨砂, 真係冇左呢個問題!!!

AIYA, 好似離左題TIM, ANYWAY, 呢盒潤唇膏真係唔錯~

要靚真係唔懶得

開架膠原蛋白MASK @自白肌@

呢幾年都係用我的美麗日記, 事關平同埋好用~

當然啦, 佢又真係唔係隻隻味好用, 次次試新味, 用完一塊唔好用又放左喺度...所以多數都係買

死一隻味, 除非PAT PAT痕要試新野~

雖然SO FAR 覺得日記都OK, 但又會諗, 咁平, 得唔得架??

所以今日終於買左隻貴少少既, 就係自日肌~

膠原蛋白彈力潤澤羽絨面膜

適用膚質: 鬆弛及缺乏彈性膚質


打開裡面有好多精華, 圈住嗰度就係啦, 多到浸住個角架! 塊MASK 個質地比日記薄, 同埋佢好
似網咁~


佢個CUT 都OK, 不過我個鼻位就唔岩啦, 可能我個鼻大啦...



因為佢D 精華好多, 冇理由掉左佢架, 所以我用化妝綿索晒D精華敷落條頸度, 唔好WASTE
MA~



敷左15 MINS, 感覺都唔錯, 重要係冇敏感~

保濕都夠, 摸落塊面都林林地, 都OK~

因為佢冇美白果D 功效, 所以敷完唔會有好明顯既RESULT, 但感覺上都都夠保濕, 會繼續用~

粉紫拉花美甲~

由於呢排查左粉色既腳甲關係, 手甲都要襯下先~

粉紫拉花, 呢D色真係夏天整先襯到~

夏日橙色美甲~

夏天最岩就係COLOURFUL D 既顏色架啦~

唔知大家會唔會好似我咁, 一到夏天就會買D NUDE, 粉藍, 粉紅, 粉色同埋淺色既野呢~

而EYESHADOW 多數都係用啡色呀, 橙色咁~

所以指甲整橙色就最易襯啦~

妝前最好既護膚品@YSL top secret@

一直都好鍾意YSL 既野, 因為佢PACKING 靚之外, 質素都幾好

今次我就買左佢既皇牌, 明彩筆, TOP SECRET, 仲有BB CREAM

而今次我就分享下佢個TOP SECRET 先~

TOP SECRET 呢條LINE 有好多PRODUCT, 有MAKE UP BASE, 防曬, ETC..

我買既呢支算係MAKE UP BASE, 點解話”算係”呢?? 因為佢係有SKINCARE 既FUNCTION, 但做BASE 又好似唔夠好咁~

聽落係咪好唔吸引呢?

但我一試到佢神奇之處, 就心郁郁想買啦~

平時搽完SKINCARE 之後, 搽佢, 等佢吸收左就可以繼續 MAKE UP 既步驟~

佢有ON OFF 制, 咁就唔驚唔覺意支左出黎啦~

佢係冇色既, 裡面有少少粒粒狀, 但刷多兩野, D粒粒又冇晒

等佢吸收左之得皮膚會好滑, 有番光澤

有時塊面會有D粒粒突起, 上粉會CAKE 粉, 或者毛孔, 但用左佢之後, 呢D 野就唔覺, 成塊面平滑

番好多, 上粉都靚好多~

AFTER BEFORE

不過佢冇控油或者防曬, 所以要自己再加~

而我自己係混合性, 所以用完佢之後, 會加控油BASE 係T ZONE, 再上BB CREAM, EVEN 上埋LOOSE POWDER 都會好滑架~

佢都唔平, 要四百幾蚊, 不過都值GE, 完美既底妝真係好緊要, 比人睇到有洞OR CAKE 粉都幾樣衰