電視, 網上教既眼粧都係雙眼皮化先好睇, 就算比你SEARCH 到既單眼皮化妝法, 全部都係SMOKY EYE....
"大佬...唔係日日都要SMOKY 下哇.....??"
所以最好既辦法都係搞到自己都有一對雙眼皮
最好既緊係去整, 吊線, 釘書針....其實呢D 係好普通既, 但我都驚, 驚整得唔好, 同埋唔捨得比咁多錢去整!
我試過幾隻雙眼皮膠紙, 膠水...得出以下的結論:
膠水
好易有膠水漬, 而且要合埋眼等佢乾乾地好煩, 你地知啦, 朝早趕住番工, 要坐喺度咩都唔做, 等30 秒都覺得耐!
膠紙
雙面--> 痴完係就係唔覺, 但當你上眼影嗰陣, 掂到膠紙嗰個位, 條膠紙就好似想走出黎同你SAY HELLO 咁
而且痴得耐隻眼好唔舒服, 又唔可以合埋眼訓教....成日痴仲會搞到眼皮都鬆晒...
單面--> 有D太粗, 有D痴力唔夠, 痴完頭尾個位都白白地飛起 (因為你要用手指楂住條膠紙, 多數都係楂住頭尾位置)
呢排我開始用3M, 覺得幾好, 唔明顯, 同埋又上到眼影, 唔怪得咁多化妝師都係用呢隻
雖然呢隻唔係咩新野, 但我上網見到嗰D 都係本身個人已經係有隻眼皮再貼, 咁有咩意思....所
以我就POST 我隻衰眼出黎比大家睇下, 希望幫到內雙眼皮既SIS
BEFORE AFTER
想要咩形就自己去ADJUST 點剪
記住用眉剪, 方便好多, 因為已經有個彎位
其實唔係大家諗到既咁難痴, 我試左幾日都已經可以一剪一痴搞掂~
我平時番工前痴, 到夜晚洗面嗰陣先洗走埋, 夜晚到朝早都仲有雙眼皮係度, 咁第二朝只要跟住絛痕黎痴就得~
不過有樣好重要既係, 唔好用太深色既眼影, 月深色, 條膠紙就月明顯~
希望KEEP 住痴, 個天都可以給我一對雙眼皮!
沒有留言:
張貼留言