【保養】唔好唔記得身體護理 @AESOP@

冬天突別乾燥, 除左塊面, 身都好乾, 特別係手手腳腳

我一向都好少搽BODY LOTION 架

因為懶, 好埋有時一D比較LAP 的BODY LOTION

隻手好易出手汗

但上個月開始, 發現隻腳乾到起蛇皮, 仲要連大脾都有...

咁就真係冇得懶啦

即刻去買番D BODY CARE

之前用過AESOP 的HAND WASH, 係超讚, 所以諗都冇諗就去番AESOP 買BODY CARE

果然冇令我失望

第一樣係BODY OIL (保濕調理精油)- 天竺葵味

\

佢個味好舒服, 沖涼後作全身保濕用

, 亦可以當按摩油咁用

我自己就鍾意沖涼後用, 最緊要係當沖完涼空氣仲有蒸氣的時候, 用呢個好似鎖住D水份係皮膚咁

$250/ 100ml

第二樣係 BODY BALM

呢個都係天竺葵味

個人就好鍾意呢個味

佢個質地好好, 可以話係我用過既BODY LOTION 最好既

一D 都唔LAP, 同埋好夠潤

BEFORE

AFTER

搽完即時已經見到D紋冇咁明顯

$265/ 120ml

$755/ 500ml

我每晚都會用呢個BODY BALM, 如果覺得果日特別乾, 就會用埋上面果支BODY OIL

SO FAR 用左兩個星期, 蛇皮情況好左好多, 大脾位已經冇晒, 得埋小腿仲有少少

呢D BODY BALM 係細SIZE, 未用晒我已經諗緊好冇買支大

超推介

【保養】近期的日夜霜 hope in a jar @philosophy@

上個月參加 philosophy 的活動，好開心有機會得到它們的王牌產品，分別係 hope in a jar 和 hope in a jar night 。收到後每一日都有用，差不多3個星期啦，而家就講下個review先。

我係混合性偏乾的，t字位會出油，皮膚薄，容易敏感。

首先，講下hope in a jar (high-performance moisturizer for all skin types)，這個是一個日霜。

- 含去角質乳酸酯類，能促進肌膚健康光滑
- 含B-葡聚糖，可令皮膚散發健康光澤
- 含有抗氧化因子，保護皮膚對抗環境侵害

它的味道有點似乳酪，跟別家的香味不同，聞不到香料的味。質地好滑，上面不會有厚重的感覺。同埋上面後好快吸收，不會立痴痴的感覺。初初用的時候不太習慣，因為一直都用開一些較滋潤質地的，開頭都怕會有冇不夠潤，但用用下習慣了，而且雖然質地薄，保濕都足夠，作日霜，質地薄較為好，因之後要塗防曬，粉底，好多層。

到晚霜方面，hope in a jar night,這個是新出的。

- 促進夜間更新修復，重塑肌膚，撫平細紋及改善膚色

- 專利配方咖啡因分子 qusomes 技術有助將干醇酸深入滲透皮膚表層

香味跟日霜很相似，質地比日霜潤。上面後較厚身，但不會有焗的感覺，而且也很快吸收，用後皮膚好滑。不過當特別乾的日子，在這個晚霜前我會再加lotion, 這樣更剛剛好。對我而言，晚上塗厚一點的skincare 也沒有問題，晚上天氣再乾也不怕。

剛剛用這個的時候，本身皮膚有點敏感，用了這個後敏感好了很多，所以敏感皮膚的人也值得試呀！用了三星期，細紋和毛孔真係變細了，相信這兩個日晚霜會陪我過這個冬天!

大家可以到philosophy 看看吧!

【瘦身】我的去水腫方法 - PART 2

上次係分享過去水腫的茶, 今次下篇就分享一D關於按摩, 運動和坐姿方面的方法

按摩絕對是可以去水腫, 因為速進血液循環

我曾經都用過一D瘦腿膏, 都有用的

但慢慢意識到這類產品有用的原因是因為配合按摩

這些產品只會令皮膚滑, 方便按摩吧

所以用一些BODY LOTION/ BODY OIL 便可

當然要用一些滋潤型的BODY LOTION, 快吸引的好難按摩

究竟要怎樣按摩才有用?

我自己, 就係用OSIM 的美腿魔師

這部按摩機超讚, 去水腫效果一流, 我超喜愛這部機

但OSIM 現在已經没有美腿魔師了, 改為推拿機

朋友跟我說, 雖然推拿機有去水腫效能, 但效果不及美腿魔師

有興趣的朋友可以去看看那些腿部按摩機~

如果不用這些按摩機, 有手也可以, 不過會很累

只要當隻腳是手巾咁扭就得

有時候, 睡前, 我會做以下的動作, 腿會瘦D 架

絕招一, 凌空踏單車

能做得越耐當然越好

但因為這個動作都幾累, 每次都加下數, 咁會較易接受

絕招二, 泊對腳上牆, 90度角, 維持15分鐘

隔天起身水腫會少D

當然日日做, 才有效果

這個是我的示範啊!

最後, 坐姿

如果同樣是番工坐得耐, 對住電腦的你, 不妨試下

在桌下放一個大約3吋的盒, 坐的時候, 雙腳踏上去, 代替踏在地面, 

水腫會少D, 原理是什麼我已經忘記

但真的有用, 自己也習慣這樣做

緊記, 不用踏一些太高的物件, 太高的話, 隻腳會痺...

這些就是我的少少分享! 謝謝!

【瘦身】我的去水腫方法 - PART 1

由於返工長期坐的關係, 長期都好水腫, 突別係下身

明明朝早起身隻腳都好幼, 放工時就會粗左, 同埋變得很重

為左水腫的問題, 試過好多方法

包括飲食方面, 坐姿, 按摩, 瘦腿按摩膏

首先就分享飲食方面

少味精/重口味食物,  飲多D水, 呢兩樣係好基本的常識, 我都唔突別講

而最近飲左個"運動"茶, 真係幾有效

呢隻係所謂的運動茶, 因為裡面的成分是可以加速身陳代謝, 係減肥的好朋友

聲稱飲左呢個茶就好似做左運動一樣

好岩我呢D唔做運動的人

飲左三個星期, 發覺水腫少左好多, 放工果陣隻腳完全冇粗過, 十級推介呀!!

之後先發覺身邊都有朋友飲過呢隻減肥, 咁即係唔係我心理作用啦

我平時會在公司飲, 落一匙茶粉到一公升水裡, 再加少少蘋果汁, 咁會好味好多, 

飲完這一公升茶就飲水

它的建議分量係一公升水加兩匙茶粉

不過我就覺得個茶味太濃, 視乎個人口味

佢係以一公升水作單位, 變相令自己都飲多左水, 咁都幾好

但星期六日在家就冇飲到啦, 始於係公司, 咁大個水機, 容易飲得多D水

一樽50G 都飲到好耐, 幾抵玩

有水腫的朋友, 真係要試一試!

【保養】星級深層清潔 發光面膜 @GLAMGLOW@

深層清潔面膜可以話係每個女仔必備的產品 就算平時潔面做得幾足夠, 始終都有部份要靠深層清潔面膜 好多牌子都有出深層清潔面膜, 但不是每一隻都有效 而最近, 呢隻深層清潔面膜突然好HIT, 膽粗粗買左番黎試 包裝確係吸引, 罐面上仲有粒星星, 好鬼型 相傳好多荷里活明星都係用佢, 既然香港有得賣, 真係要試下 佢有兩隻, 一個係呢罐黑色, 另一罐係白色 白色比呢個多左果酸成份, 令潔淨效果更大 但因為我皮膚好薄, 易紅, 易敏感, 酸性產品都唔太岩我! 打開之後, 都係平時泥MASK 咁既樣 裡面有D 綠茶葉, 證明真係成份天然 除左潔淨, 仲有抗氧化, 吸油脂, 同埋收細毛孔 用的時候只需薄薄一層就足夠 乾左會變成灰色 佢乾的速度都好快 一茶上手, 影相果陣個外圍都開始變色 當然, 乾的速度絕對係同塗的厚薄有關 上面圖 全乾後, 突別是鼻位, 會見到一個個深色的洞, 果D 就係佢個MASK 吸你D 油, 所以鼻位會最多 敷完後, 塊面真係會光滑左好多, 同埋臉色會光澤左, 唔怪得話係發光面膜 記得第一日買番黎, 就算夜晚要出去, 當晚都忍唔住即刻用 係, 冇錯, 我竟然深層清潔後化番妝出街 就係咁, 我發覺全晚, 一滴油都冇, 吸油效果真係唔錯 但可能因為深層清潔後即刻化妝, 第二日生左幾粒暗倉.... 這個MASK 要敷大約10分鐘, 話說少少刺痛係正常 但我就一敷上去, 成塊面都吉吉地, 而且仲熱熱地 自己都唔敢敷咁耐, 8分鐘到啦 洗面後皮膚有少少紅, 過左陣就冇野, 接受到 因為我皮膚太薄, 所以用左一兩次全面後, 都只係用係T 字位同下巴, 咁就冇咁刺痛了 價錢方面, 佢真係幾貴, 50G 要五百幾蚊 白色果罐都係一樣價, 但容量少D, 好似得35G 定40G, 所以仲貴 要試清楚先買~ 大家可以去JOYCE BEAUTY 睇下呀~

【保養】玻尿酸濃密保濕孖寶 @自白肌@

冬天到啦, 第一樣有反應既絕對係皮膚, 變得乾燥缺水!

即刻要揾D保濕野搽啦

而最近就收到試用, 正正就岩晒而家既天氣~

自白肌的保濕化妝水和保濕面膜

除左保濕精華, 面膜同TONER 都係一樣唔錯的急救方法 

首先講下佢呢個保濕面膜先

根據資料, 內含自白肌專利型玻尿酸, 分別係高智慧型玻尿酸SYN-HYCAN, 小分子滲透型玻尿酸HYALO-OLIGO和高密度鎖水型玻尿酸SODIUM HYALURONATE. 而且無香料, 無酒精, 弱酸性低敏配方, 任何肌膚都適用.

敷大慨10-15分鐘

它家的面膜很薄, 敷上後很濕, 15分鐘過後也没有半點乾

取下面膜後可用手按摩直至吸收所有精華, 之後就可用平時的護膚品

剛剛敷完後, 保濕效果不錯, 但隔天效果就不太明顯, 似乎它的保濕力不太持久, 相信連續幾天敷, 效果會更理想

售價: $45/ 3片

相反, 我幾喜歡它的保濕化妝水

就是喜歡它的濃度, 可以一滴企在手上

上面後感覺保濕, 皮膚變得滑, 而且好快吸收了

不會令人覺得搽了很厚的護膚品

而且把它倒在化妝綿上作TONER MASK 也是不錯的選擇!

售價: $78/ 290ml

以上產品在萬寧獨加發售