新年新妝！！

新年就緊係認真 d 化番個妝啦！今次呢個係用左盒新既眼影，一盒有五個色，隻隻色都唔錯，仲要 last 到幾耐 tim !

呢個 eyeshadow 係金色同粉色色為主，因為我驚個眼腫，所以眼尾個茶得深色d,我自己就幾滿意，連我男朋友都讚我個妝好睇：)佢平時好少讚我架……

張相可能暗得濟睇落唔出色……

年宵收獲

尋晚去左維園年宵，好多年都冇去過啦，真係好多野買，d野都幾平好埋都幾得意！

我記得有個攤位幾搞笑，係賣用紙摺出黎既燈同埋假眼睫毛，而搞笑在個擋主係話 “好肉酸架D野，快D過黎睇下有幾肉酸！”

而我最尾就係買左呢對拖鞋，$50 ja!

九年黎第一次買書

尋日去左商務諗住買本整 macaron 既書，研究下情人節整，點知甜品書就冇買……最後買左本咁既野！

點解會買呢？？一黎佢個書名都幾絕，二係睇過少少內容都講得幾岩，三係裡面唔係好多字！

就等我係呢度講少少我覺得有用既野啦！！

佢話男人係由性慾，自尊心同戀母情義結組成，要得到佢地就要針住呢三樣野進攻。

可能因為我係讀心理學既關係，我覺得戀母情義結係岩，要令個個男人鍾意你，最好模仿佢阿媽，即係話如果佢阿媽係留係屋企煮飯果 d,你最好學下煮飯，如果係女強人，你都要變做女強人。

大家可以去書局睇下，不過我覺得本書岩冇拍拖既女仔睇，拍緊既話就得好少招數岩用 ：(

新年新指甲！

雖然話係整黎 for 新年， 但其實個款一 d 都同新年冇關，哈哈！ 當阿媽好忙咁大掃果陣，我係度整指甲，差 d 比人鬧！

我一生第一支 BB cream!

BB cream 聽就聽左好耐啦，但一路都冇買，因為聽過好多人都話唔好用，話又油又會搞到出暗粒咁……所以一路都唔敢試……而且市面上有咁多支 BB  cream, 有平有貴，冇可能續支試架ma !

前排上網，睇到有人介紹支野好似幾好咁，可以當埋 highlight 用，咁就比左我既第一次佢啦！

我自己就係全要想拎黎做 highlight ,所以茶完 base 之後淨係上 T 字位，再上碎粉。出黎個效果好自然，而且都唔係好油，都唔錯。

同埋支野本身個設計有埋個掃，如果好似我咁要黎做 highlight 就好方便啦！

我買呢支野果陣係冬天，所以出油情況都唔嚴重。但因為我自己係混合性皮膚，我夏天應該就未必岩啦，要用都要皮膚好果陣用！

冬天我自己鍾意茶少d 粉底，因為萬一亁得濟luck皮，上完粉底仲衰，所以呢個就岩晒！

當然唔好既地方都有，個色對我黎講就唔係太做到 highlight 效果，因為我自己都偏白！不過佢有少少閃，ok la 都！ ：)