【保養】眼睫毛增長液 @REVITALASH@

一直都想要又長又密的眼睫毛

但身的眼睫毛又短又疏

假眼睫毛同MASCARA 的確用完係靚左好多

但日日痴假眼睫毛對隻眼都唔係咁好

而MASCARA又好難一支做到又濃又長的效果

做左一輪RESEARCH 之後

決定試下呢支REVITALASH 的增長液

因為網上的評價多數都唔錯

包裝都幾認真架, 好似好PRO 咁

個頭係毛, 直接搽係眼線位就得

內裡有說明書

而每日只需搽一次

呢樣係幾好, 唔駛早晚搽咁煩

用左都有成個月啦

每隔兩星期影左張相

可以見到最下果張真係長左同密左

效果都真係幾好

而且發覺朝早夾眼睫毛果陣容易左, 可以睫毛粗左, 易夾起, 非常好呀~

其實以前都用過另外一個牌子 ZINO 的睫毛增長

佢個頭成支睫毛液咁

個人黎講, 我覺得REVITALASH 個設計好D

ZINO 要好似搽睫毛液咁, 搽完會連眼睫毛都濕埋, 好唔舒服

而且仲要早晚各搽一次

試問朝早咁趕時間又點可能搽完佢, 等佢乾, 再搽睫毛液呢

以下係我少少心得

搽睫毛增長液的確係會令眼部色素沉澱

開頭果幾日都明顯黑左, 之後我改用左支暖水可卸的睫毛液就好好多

大家都可以試下呀~