一把頭髮的好與壞真係好重要
有時見到D女仔, 就算著得好靚, 個妝化得好好睇
但D 頭髮又亂又旱, 真係扣晒分
對於頭髮產品, 我都用過好多, 有平有貴, 而近排我就用緊呢D 啦
好似好多野咁, 就等我續一介紹啦
首先, 由HAIR MASK 開始
面要敷MASK, 頭髮都緊係要啦
KERASTASE 係LOREAL 旗下最大, 最出名既HAIR BRAND
佢有好多條LINE, 視乎你頭髮需要D 咩
呢個係我買既第二罐, 第一罐係買了紅色, FOR COLOR 既
當時我頭髮髮尾因為太旱, 好易退色, 上下變到兩隻色咁, 好核突
用左果隻HAIR MASK, 集中用在髮尾, 好快就變番同一隻色,
真係咪話誇張
而呢個金色係修護多, 當然效果都幾好
呢個門市賣緊 4 百幾, 建議大家第一次去門市問清楚SALES 買邊隻
之後再去髮品店買,平好多架
呢個係AMIKA 既HAIR MASK, 佢個質地比 KERASTASE 薄,
個人覺得可以成日用, 隔耐D 先用KERASTASE
當然效果都幾好, 剛剛都再入左貨LU
呢個都係 4 百幾,但有500ML, 有排用呀~
用完MASK, 洗乾淨後, 吹頭髮前我就會用呢支HAIR OIL
佢質地好薄, 好似水咁
不過我覺得效果唔係幾明顯, 以修護既HAIR OIL 黎講, 我覺得摩洛哥油好用好多
就算係乾搽落髮尾, 效果都痳痳地, 唔會話睇落髮質好好
不過買左就照用咁架JE
每朝我都會SET 頭, 有時 夾卷, 有時夾直
雖然個夾已經係聲稱冇咁傷頭髮,但夾前有冇用抗熱野, 對頭髮真係相差好遠
以下呢支係我至愛
呢支係精華, 乾濕頭髮都用得, 除左抗熱, 當然都有修護成分, 話晒都叫做精華MA
我最中意佢既原因就係用完佢再夾頭髮, D 頭髮睇落好令, 髮質好好咁
而且個造型比較 LONG LASTING
超推介
大家睇下夾完D 髮質係咪好靚呢~
唔好既係佢既價錢, 要$580, 好貴呀, 雖然一支都用到大半年, 但都唔捨得
好彩AMIKA 間唔時就係買二送一優惠, 除番開就平D 啦~
最後, 呢個CREAM 係夾完(卷)頭髮用既
用完會令到D頭髮綿D,
呢支係前一兩個星期先買, 但近排D 天氣幾潮濕, D 頭髮好怪, 所以都未講到呢D 野究竟好冇用..
講住咁多先, 下次有咩好用再分享~
